DYIPNEY

Lata’t yero
Pinagtapal-tapal
Pinagdugtong-dugtong
Asero’t bakal

Recap ang gulong
Surplus ng bansang Hapon
Nalikha’y sasakyang
Pinarurot sa daan

Kinabit
Sari-saring palamuti
Dinikit
Sticker na nakakakiliti.

Tinatawid
Kalsadang lubak-lubak
Ga-tuhod na baha
Tinatahak.


Konting barya
Sa tapat na kamay
Nagpapasa-pasa!

Pampara minsan
Katok sa bubong
Pwede rin
Sitsit at sipol


Upuang pituhan
Sa konting ipit
Nagkakasya
Ang walong pwet.

Sasakyang
Likha sa basura.
Sasakyan
Ng masa.

               ikstot